Зохиолч: ЖОН ВИНТЕРИХ
Орчуулагч: Б. Чулуундорж
Ангилал: Гадаадын уран зохиол Түүх Намтар, дурсамж танин мэдэхүй
Хэвлэлийн газар: Улсын хэвлэлийн газар
Энэхүү Дуглас гэгч Бернсийг Ямайкад тоо бүртгэгчийн ажил хий гэжээ. Бернсийн хувьд Ямайк нь Өмнөд туйл шиг хол санагдсан боловч энэ үед чухам тийм газар очихыг л тэрээр мөрөөдөж байв. Мохлиноос холдохын хүслэн болсон Бернс замын зардал хийх есөн гиней хаанаас олохыг мэдэхгүй зовж суухад нь түүнд болон эцэгт нь газраа түрээслүүлсэн Гэвин Гамильтон шүлгээ хэвлүүлэхийг нь зөвлөв. Үүнийг нь бодвол энэ эзэн сайн санаатай хүн байсан болов уу гэлтэй. Тийм биш байлаа ч гэсэн шүлэгчийн суу билгийг хүн төрөлхтөнд илрүүлж өгсөн болохоор бид түүнийг уучлах ёстой. Гамильтон лав ном хэрхэн хэвлэдгийг мэддэггүй байсан байх. Тэр ч байтугай газар түрээслэгчийнхээ бичсэнээс өөр шүлэг сонсоогүй ч байж болох юм. Гэвч тэрээр Бернсийн авьяас билигтэйг мэдэж, ажил үйлсээрээ түүнийг нь хөхиүлэн дэмжсэн хүн юм...
