Зохиолч: Алауддин Ал-Азад
Орчуулагч: Н. Намхай
Ангилал: Гадаадын уран зохиол
Хэвлэлийн газар: Улсын хэвлэлийн газар
Үүр хаяарах дөхөж байлаа.
Энэ үес хүмүүс амтат нойрондоо умбаж байдаг билээ. Гэвч төмөр замын өртөөгөөр таваарын вагон өнгөрөхөд хориод минутын турш үхсэн хүн ч сэрэхээр харжигнах хяхтнах дуун гарна. Тэр вагон чихний хэнгэрэг хагарам дуугарна. Нүүрсний хаягдал түүдэг хөвгүүд үүнийг өөрөөр тайлбарлана. Уурын тэрэг шөнөжин хүнд тэвшнүүд чирээд, өглөө болоход хүчээ бараад юм идэх гэдэг, тэгээд л өлссөндөө орилж өртөөн дээр цадтал нь хооллуулж ундлуулсны дараа сэтгэл ханаад аахилсаар цааш явдаг гэнэ...
