Зохиолч: Буччибабу
Орчуулагч: С. Батбилэг
Ангилал: Энэтхэг зохиол
Хэвлэлийн газар: Улсын хэвлэлийн газар
Хашима Би надад анх учирснаас л хойш таалагдаж билээ. Түүнийг би анх Хайдарабадад суудаг найзындаа үзэж билээ. Сайхан хүүхэн гэмээргүй боловч галтай цогтой сэргэлэн хүүхэн байв. Зурсан юм шиг тэгшхэн хөмсөгтэй. Эгцхэн хагалсан үс нь дух руу нь хараацайн даль мэт унжина. Духан дундаа лалын «тату» хэмээх тэмдэгтэй. Эрээн бошинз өмссөн түүний туяхан гоолиг биеийг даган хоёр салаа урт гэзэг нь унжина. Тэр бээр гэрэл тусах мэт түргэн шаламгай хөдлөх бөгөөд огцом эргэх бүрд гэзэг нь хүзүү орооно. Бетелийн навч шиг шав шархан нүд нь орчны бүхнийг хөгжилтэй зоримогхон харах бөгөөд тэрээр хэнээс ч үл эмээнэ.
Хашима Би тэвэр дүүрэн цэцэг авчран үүдний өрөөний ширээн дээр тавьснаа үүдэнд инээмсэглэн зогсов...
