Зохиолч: Х. Сампилдэндэв
Орчуулагч:
Ангилал: Монголын уран зохиол Аман зохиол Сурах бичиг, гарын авлага
Хэвлэлийн газар: Ардын Боловсролын Яамны Сурах бичиг, сэтгүүлийн нэгдсэн редакцын газар
Манай ард түмэн дэлхийн бусад улс түмний нэг адил хүүхэд залуусын оюун сэтгэхүйг хөгжүүлэх, түүний чадварыг сорьж шалгахад чиглэгдсэн бодлого тааврыг зохион хойч үеийнхнээ хүмүүжүүлсээр ирсэн юм. Таавар нь оньсогын нэг адил хүүхдийн оюун сэтгэхүйг хөгжүүлэхэд чиглэгддэг. Тэгэхдээ оньсогыг бодвол уран дүрслэл, цэцэн хэллэг, шүлэглэлээр бага, харин сэтгэхүйн янз бүрийн үйлдэл хийхэд зориулагдсан сонирхолтой математик, танин мэдүүлэх бодлогын шинжтэй. Өөрөөр хэлбэл, таавар нь ердийн учир зүйд тулгуурладаг бөгөөд түүний гол агуулга нь элдэв үйл явдлын асуудал бүрдүүлсэн тохироог дүрслэн үзүүлсэн хошин шог өгүүлэл маягтай байна. Таавар нь нийтдээ хүүхэд залуусын бодох сэтгэх чадварыг хөгжүүлэх зориулалттай бөгөөд дотор нь тооны, учир зүйн, хэл зүйн гэсэн гурван хэсэгт хуваана. Тооны таавар нь математик сэтгэлгээг хөгжүүлэхэд чиглэсэн нэгэн зүйл аман бодлого бөгөөд хийсвэр бясалгалын шинжтэй бус мал аж ахуйн практик ажил хөдөлмөртэй холбоотой үлгэрийн өгүүлэмжтэй байх нь цөөнгүй. Тухайлбал...
