Зохиолч: М. Горький
Орчуулагч: Д. Дашдаваа
Ангилал: Оросын уран зохиол
Хэвлэлийн газар: Улсын хэвлэлийн газар
Фома наймтай байхдаа аавыгаа удаан хугацаагаар юманд явж байгаад ирэхэд нь ааваасаа ийнхүү асууж билээ.
— Та хаагуур явав?
— Ижилээр л яваад...
— Дээрэм хийгээ юү? гэж аяархан асуув.
— Юу-у? гэж Игнат хөмсгөө хөдөлгөн хашхирав.
— Аав? Та чинь дээрэмчин биз дээ? Би мэднэ ээ... гэж нүдээ онийлгон асууж, эцгийнхээ бүдүүлэг амьдралын нууцад хялбархан орсондоо сэтгэл хангалуун байв.
— Би худалдаачин хүн гэж Игнат хатуу хэлээд, — Чи тэгэхэд тэнэглээд... Би талх тариа наймаалдаг. Галт онгоцоор явдаг. «Ермак» онгоцыг үз лүү? Энэ миний онгоц... бас чинийх.
— Аварга том эд ээ...
