Зохиолч: Нагаи Тацуо
Орчуулагч: Д. Өлзийсайхан
Ангилал: японы уран зохиол
Хэвлэлийн газар: Улсын хэвлэлийн газар
Гоолиг биетэй, цав цагаан хормогц өмссөн Коно-сан шийдэмгий босож байшинд бараг тулж ирсэн олны өмнө ёсорхуу намбатай суулаа. Нүдний нь шил наранд гялтганан, нарийхан гараа зөрүүлэн, толгойгоо элэгсэг мэхийв. Цав цагаан зах нь тэрүүхэндээ ярагдаж нуруу нь бараг ил гарлаа. Хананд шидсэн сүүлчийн чулуу ойн унаж, нам гүм боллоо.
— Би та бүхэнтэй зөвлөлдөх гэсэн юм аа гэж тэр тайвуу хэллээ.
Тэр Кагурийн тоглолтод гардаг ариун бүжигч бүсгүйтэй зүйрлэм байсан гэж өвгөн хожим нь ярьсан.
— Чи юу гээ вэ? хэмээн эмгэн сөөнгөтөн зандарлаа.
— Сий-тян, дуугаа аяд гэж Коно-сан эмгэний хэлэхийг огт анзаараагүй аятай нохойгоо тайтгаруулахад шпиц хав гомдсондоо хамраа шуухитнуулан хажууд нь ирж оцойн суухад сүмийн том гулдан хаалганы манаач нохой шиг харагдана...
