Зохиолч: Хатгин Ц. Дамдинсүрэн
Орчуулагч:
Ангилал: Монголын уран зохиол Шүүмж
Хэвлэлийн газар: Интерпресс
Одоо үзэхэд монголын дотор анх шинэ үүссэн театр нь манай хувьсгалт соёлын манлайд зогсож байна. Урьдаас мөрдөх их юмгүй шинэ замыг нээсэн театрын жүжиг нь хуучин зан заншил бүхий үргэлжилсэн зохиол шүлэг хоёроос түрүүлэн гарсан байна. Урьд гарсан чихнээс хойно гарсан эвэр урт болдог гэдгийн үлгэр энэ болжээ. Энэ урт болсон эврийн нэгэн нь нөхөр Намдаг мөн болно. Үүнд би Намдагаас өөр жүжгийн зохиолч үгүй гэж хэлэх гэж байгаа нь огт бус, бусад Оюун, Баатар, Зандраа, Далантай, Лувсандагва, Гунгаа, Пунцаг, Намсрай зэргийн өөр жүжгийн зохиолчид бий. Эдний дотроос театрын зохиолын ажлыг ямагт хийж нэлээд тооны чухаг жүжгийг нөхөр Намдаг бичсэн байна. Дээр дурдсан ёсоор жүжгийн зохиол ерөөс бэрх, түүний дээр дагах баримтлах замгүй бэрх, энэ хоёр бэрхийг нөхөр Намдаг өөрийн хурц билгээр давж хэдэн сайхан жүжгийг зохиож монголын үзэгчдийн сэтгэлийг баясган хангаж театрын нэрийг дээш татсан байна....
