Зохиолч: Анатолий Ананьев
Орчуулагч: Ш. Цэгмэд
Ангилал: Оросын уран зохиол
Хэвлэлийн газар: Улсын хэвлэлийн газар
саяхан Егор дорно дахины аль нэг улсад хүмүүс хотоосоо элдвийн тэнүүлчин, панзчин, архичин, янхнуудыг хөөж гаргасан тухай үнэн ч байж болох, өөрөө зохиосон ч байж болох түүх ярихад нь Шура айн цочиж залуу мөрдөн байцаагч маань үг хурцтайгаар барахгүй хатуу сэтгэлтэй хүн байх нь ээ гэж гэнэт боджээ. Егорын хатуу сэтгэлийг тайлбарлаж болох шалтгаантай, тэр шөнө ангийн хэмжээн дээр золгүй явдал болж захын нэг гудамжинд харуулынхаа үүргийг гүйцэтгэж байсан сэргийлэгч Андрейчиковыг танхайчуул алчихсан байлаа. Андрейчиковын шарилыг хүүрийн байшинд аваачаад байсан атал харуулын сэргийлэгч үхээгүй, эмнэлэгт байгаа гэнэ гэж паспортын хэлтсийнхэн ярилцсан тул Шура энэ явдлын тухай сонсоод айсангүй. Шура зөвхөн паспортын тасгийн ажилтан ч гэсэн сэргийлэхэд ажил хийх хугацаанд элдэв санамсаргүй явдалд дасжээ...
