Зохиолч: КОНСТАНТИН СИМОНОВ
Орчуулагч: М. Шатар
Ангилал: Түүх Оросын уран зохиол цэрэг дайны сэдэвт
Хэвлэлийн газар: УЛСЫН ХЭВЛЭЛИЙН ХЭРЭГ ЭРХЛЭХ ХОРОО
Дайн эхэлсэн эхний өдөр түг түмэн айл амьтны нэгэн адил Синцовынхныг ч самгардуулав. Дайн болохыг цөмөөр аль хэдийнээс мэдэж байсан шиг атлаа яг сүүлчийн мөчид тулаад ирэхлээр дайн гэдэг маань толгой дээр буух цас шиг гэнэт ирдэг ажээ. Ер нь ийм том золгүй явдалд хүн биеэ урьдаас бүрэн зэхэх бололцоогүй байдаг бололтой.
Дайн эхэлснийг Синцов, Маша хоёр Симферполь буудлын дэргэдэх бүгчим бяцхан талбар дээр сонсов. Тэр хоёр галт тэрэгнээс дөнгөж буугаад мөнгө нийлүүлэн Гурзуфийн цэргийн рашаан амралтын газар хүрэх замын хань хайн, задгай, хуучин «Линкольн» тэрэгний дэргэд зогсож...
