Зохиолч: ЖИОЗЕ РИМАНЕЛЛИ
Орчуулагч: Б. Чимиддорж
Ангилал: Италийн уран зохиол
Хэвлэлийн газар: Улсын хэвлэлийн газар
Бороонд норсон цэцгийн үнэр ханхална. Танил хүн араас нэлээд хүчтэй хатгахад би бороон дунд, түүнийг эргэж харахаар зогслоо. Түүний өршөөлгүй, нэвт ширтэгч нүдийг харахад хоёр гүн хонгил мэт үзэгдэнэ. Дараа нь түүний дуу намайг дотор талаас минь үг дуугүй цохих резин бороохойн хүчит цохилт мэт гуядаж эхлэв.
— Чи бас дахиад герман болох санаатай байна уу? гэж тэр хэлэв. Тэгээд тэр урдын адил хөнгөн шалмаг хөдөлгөөнтэй Ардын талбайн усан бороон дундуур арилж өгөх шиг санагдлаа. Бид хоёр Ром хотноо Ардын талбайд байж байлаа.
Би аянгад ниргүүлсэн мэт тэр дороо зогтусан малгайгаа гартаа үнгэв. Борооны ус үсийг минь норгон хүзүү даган урсаж цамцны заханд хүрнэ. Би тэр малгайг гартаа барин дөнгөж сая л герман малгай болохыг ойлгов...
