Зохиолч: Р. Киплинг
Орчуулагч: Ц. Шагдар
Ангилал: Үлгэр, домог Британийн уран зохиол Адал явдалт
Хэвлэлийн газар: Улсын хэвлэлийн газар
Зөвлөлийн Хадан дээр болсон зодооны дараа Маугли, чонын хэвтэшнээс хүмүүсийн амьдардаг тариалангийн газарт бууж очсон боловч жунгли хэт ойр байсан, Зөвлөлд түүний заналт дайсан нэг ч үгүй байсан тул тэндээ бүрмөсөн суусангүй. Маугли хаа очихоо мэдэхгүй байсан боловч очих газраа хүртэл, хөндийн бэлийн замаар гүйсээр хад чулуу бүрхсэн жалга гангатай, урьд өмнө үл мэдэх өргөн тэгш газар ирэв. Энэ тэгш тал газрын нэгэн захад жижиг тосгон, нөгөө захад жунглийн өтгөн шугуй, зээтүүгээр сэндийчсэн мэт ундуй сундуй дугуйран харагдах нь хойноос нь элдэн хөөж тэврэн авах гэж байгаа юм шиг санагдана. Тал дүүрэн үнээ, одос бэлчих бөгөөд сүргээ хариулж явсан хөвүүн, Мауглийг хармагц хашхиран зугтаж, Энэтхэгийн тосгон бүрд үй олноор байдаг золбин шар ноход хуцаж гарав...
