Зохиолч: СТЕФАН ЦВЕЙГ
Орчуулагч: Л. Содов
Ангилал: Гадаадын уран зохиол
Хэвлэлийн газар: Улсын хэвлэлийн газар
— «Амок» гэж юу байдгийг мэдэх үү?
— Амок гэнэ ээ? Жаал зугаахан мэднэ ээ.
Энэ бол нэгэн төрөл. Энэ бол согтолтоос хэдэн хувь илүү. Энэ чинь архины цагаан солиотой зүйрлэшгүй, галзуу нохойтой төсөө бүхий цусан улангаслал юм. Би тэнд ирээд хэд хэдэн ийм тохиолдол ажиглаж мэдсэн юм. Өөр бусдын тухай ярьж байхад бид уг нь дандаа ултай суурьтай анхааралтай оролцдог шүү дээ. Харин аюултай үл таних энэ өвчний шинж тэмдэг, шалтгааныг нээж олж амжсангүй.
Энэ өвчин лав бүгчим халуун, хүнд уур амьсгалтай холбоотой байх аа. Тэндхийн агаар хүний мэдрэлийн системд хүндээр нөлөөлдөг. Тэгээд бүр сэдэрдэг юм.
Амок! Амок! Хүн ум хумгүй зугтаж гүйдэг юм. Тэр эхлээд юу ч сонсохгүй, юу ч харахгүй, замдаа дайралдсан бүгдийг алж хядна. Тэрийг галзуу нохой шиг буудаж унагахаас нааш, эсвэл замын хажуу руу өөрөө шургаж ойчих хүртлээ ер зогсдоггүй юм...
