Зохиолч: Нур Мохаммад Тараки
Орчуулагч: Д. Дамдинсүрэн
Ангилал: Гадаадын уран зохиол
Хэвлэлийн газар: Улсын хэвлэлийн газар
Нар жаргах дөхжээ. Тор таяг тулсаар уулнаас бууж ирэв. Тэр бүтэн хоёр жил тосгондоо ирээгүй билээ. Торыг угтаж хэн ч ирсэнгүй. Өнгөрсөн хугацаанд түүнийг нутгийнхан нь мартаж амжсан бололтой. Эх эцэг нь эрт нас барж авга ахындаа үлдсэн арван настай охин дүү Буткыйгээс өөр ойр дотно хэн ч түүнд үлдээгүй юм. Намар эхэлж, өдөр дулаан байх боловч үдэш нэлээн сэрүүн байх болжээ.
Торыг тосгонд орж ирэнгүүт нэг жаал хүү «Тор ирлээ!» гэж хашхираад Буткыйд дуулгахаар ухасхийв. Буткый гэрээс гүйж гараад баярласандаа уйлсаар ахаа тосож гүйсэн боловч ахынхаа зэвхий цонхигор царай, хуруунууд нь цус нөж болсон нүцгэн хөлийг үзээд цурхиртал уйлжээ. Тэгээд ахаа хөтлөн..
