Зохиолч: Чингиз Айтматов
Орчуулагч: Хатагин Г. Аким
Ангилал: Киргизийн уран зохиол
Хэвлэлийн газар: Улсын хэвлэлийн газар
Галт тэрэг умраас өмнөд тийш, өмнөдөөс умар тийш зөрөн давхисаар хүнд дугуйн дор газар доргин донсолсоор ажээ. Авдий нүд алдам талын уудмыг ширтэж «газар дэлхий цэлгэр орон зай уужим гэрэл гэгээ их ч хүнд заавал нэг юм дутагдах юм даа юуны өмнө эрх чөлөө л дутагддаг байна. Олонгүй байхад хүн амьдарч чадахгүй, олонтойгоо байхад бас хэцүү. Одоо ч гэсэн дээ. Яадаг хэрэг вэ? Гришаны урхинд орогсдыг хамсаа нарынхаа айсандаа буюу адгуусны зөнтэйдөө шахаж тулгаж байгаад авталгүй, өөрийнхөө бодлоор явдаг болгохын тулд яах хэрэгтэй вэ? Юуны өмнө мансууруулдаг бодис гулгуулдаг энэ мэхтний эрхшээлийг давж гарч чадахгүй байна. Үгүй ээ, их эд юм! Аймшигтай аюултай гайхал юм. Би яах вэ, яавал дээр вэ?» гэж бодож байлаа...
