Зохиолч: Энн Ветемаа
Орчуулагч: С. Лочин
Ангилал: Гадаадын уран зохиол
Хэвлэлийн газар: Улсын хэвлэлийн газар
романы гол баатар Яан бөөрний өмөн өвчний учир эмнэлэгт хэвтэж, хэзээ хэзээгүй энэ хорвоогоос «данс дугуйлан» явна гэдгээ мэдэж байхдаа «ертөнц дахинаас, тэр ч байтугай амьдралаас урваж» түүнийг үгүйсгэдэг...
Би бөөрний булчирхайн өмөн үүтэй учраас тэр талаар хэдэн тэрэг ном бараг уншсан. Бөөрний өмөн үүнээс болоод Адиссоны өвчтэй болсон гэдгээ ерэн есөн бүхэл, зууны есөн хувийн итгэлтэйгээр хэлж чадна. Өвчнийхөө шалтгааныг яг мэдэж байхад санаа сэтгэлийн байдал арай зүгээр байдаг. Өмөнгийн хоёр дахь голомт нь улам цаашаа ахисан байх, хэрвээ тийм биш сэн бол миний зүүн бөөрний булчирхайд ч мэс засал хийх байсан бөгөөд энэ булчирхайгүйгээр амьд явж болдог, гэхдээ аптекийн тусламж хэрэгтэй гэлцдэг. Надад мэс засал хийх нь гэвч оройтсон бололтой...
