Зохиолч: ВЕСЕЛИН АНДРЕЕВ
Орчуулагч: Б. Жамъянбаатар
Ангилал: Гадаадын уран зохиол
Хэвлэлийн газар: Улсын хэвлэлийн газар
Ахлагч буруутай болоод л ингэж ярьж байж, одоо бүх юм ойлгомжтой
— Хүү нь оргодол, дээрэмчин, өөрөө урвагч... гэж хашхирахад бүр муухай үг олж хэлэх гэхдээ, — Хорт урвагч, хорт могой! гэж хашхираад генерал бээлийгээ гөвж дарга нар луугаа хандаж: — Байшинг нь одоохон шатаа, байшинг нь! Өөрийг нь бууд! гэж хэллээ.
Дараа нь тайвширч тэрэг рүүгээ явав.
— Шатаах бол ядахдаа доторх юмыг нь гаргаарай гэж ахлагч гэнэт өгүүлэв.
Генерал хөшчихсөн мэт болов. Урьд өмнө тохиолдож байгаагүй тохуурхал мэт санагдаад
— Усан тэнэг ээ дээ, чи! Нөгөө ертөнцөд ачаа багатай явбал амар биш үү! гэв.
Сая л бүх учрыг ухамсарлав. Алхам урагшилж:
— Ингэж хууль бусаар шүүх гэж үү?..
Энэ үг нь гуйлт биш яллалт байв. Генерал энэ үгийг дуулаад эргэж ташаа тулан зогсоод тавласан дуугаар:
— Би өөрөө хууль. Би өөрөө шүүх. Өршөөл гуйх эрхгүйгээр бууд! гэж хэллээ...
