Зохиолч: Валентин Зорин
Орчуулагч: Ц. Цэрэн
Ангилал: Түүх Эдийн засаг, бизнес Намтар, дурсамж Оросын уран зохиол
Хэвлэлийн газар:
Урьд том монопол концернүүд тодорхой, илт дэс дараалалтай байдлаар бий болдог байлаа. Жишээ нь, хөнгөн тэрэг хийдэг пүүс байлаа гэхэд болд, резин, будаг хэрэгтэй болж пүүсийн эзэн бусдын мэдэлд байхгүйн тулд резин, хими болон машины өөр бусад зүйл хийхэд хэрэгтэй заводыг нэмж цуг байгуулдаг байна. Гэтэл Торнтон болон бусад хэдэн хүн гарч ирээд өөрсдийн гол үйлдвэрийн гаргаж буй үндсэн бүтэгдэхүүнтэй ямар ч тодорхой холбоогүй тийм зүйлийг худалдан авч эхэлжээ.
Жишээлэхэд, усан доогуур явдаг завь хийх, тогооч нарын хэрэгцээг хангах, пуужингийн тоног төхөөрөмж, сэрүүцүүлэх ундаа хоёрын хооронд нийлэх адилтгах юу байх вэ? Тэгтэл сүүлийн жилүүдэд Америкт өөр хоорондоо огт холбоогүй гэж бодогдохуйц тийм бүтээгдэхүүн хийдэг монопол нэгдэл улам олшрох болжээ. Үүнийг эдийн засгийн ном зохиолд «конгломерат» гэх болсон бөгөөд Чарльз Торнтон бол ийм конгломерат анх бий болгогчдын нэг юм...
