Зохиолч: Барадий Мунгонов
Орчуулагч: Б. Цэдэндамба
Ангилал: Оросын уран зохиол
Хэвлэлийн газар: Улсын хэвлэлийн газар
Манай Хялга өргөн уудам орон дотроо багахан гол гэгддэг ч алс баруун нутгийн мөрөн сэн бол бүхэл бүтэн тивийг хөндлөн урсах байлаа. Тийм болохоор нь манай ард зон, хавтгай алтанхан дэлхий дээгүүр харгилан хөхрөгч Хялга мөрөн минь! гэж дуулцгаадаг биз дээ. Манай эндэх газар нутаг хязгааргүй уудам дэлгэр ээ. Энэ нутгийн гол мөрний эргээр хилийн эрээн багана нэг ч тааралдахгүй ээ. Улс түмнийг чи хуваан заагладаггүй ээ. Чиний эрэг савыг дагасан сайн сайхан сэтгэл санаатай ард зон, эх орныхоо хатуу хөтүү цагт нэгэн зэрэг ханцуй шамлан босоцгоож хот тосгоноо хамгаална гэж морддог билээ дээ. Хялга мөрөн чиний минь хөвгүүд Напольеонтой тулалдсаан, Галицийн газар дээр хүч чадлаа шалгасаан, Дунай мөрний цаана Туркийн довтолгоог бут ниргэхээр очиж байсаан, орос буриад, хасгууд нэгэн дор нийлж төрөлх сайхан орноосоо харийн хааны сүрэг олон цэргийг элдэн хөөж Зэд, Сэлэнгэ мөрнийг даган Дорно зүгийн цуут хатуу хил хязгаарыг сахисаан.
Эндэх эгэл жирийн хүмүүс...