Зохиолч: Б. Бааст
Орчуулагч:
Ангилал: Хүүхдийн уран зохиол
Хэвлэлийн газар: Улсын хэвлэлийн газар МОНГОЛЫН ЗОХИОЛЧДЫН ЭВЛЭЛ
Сайхан зүүд зүүдлэн унтах сэрэхийн хооронд, инээх байхын дунд манаранхан байтал тэрлэгийг минь сэрхийтэл хуу татах мөртөө том бөгөөд хүчтэй алга хонго дээр минь дэс дараалан буух мөртөө: «Задарсан муу нохой чи хонь хариулах биш, хүний хонь хургаар хээрийн нохой цатгаад ирдэг чинь юу вэ! Хүний хонь хургыг алдаж гээв, чоно нохойд уруулав даа гэж чамд өчигдөр би ёр шиг эс хэл лүү! Ямар байна чи тэр хар! Бадмаа гуайн хоёр төлөгний бөгсөнд чоно шүд оруулсан байна» гээд л аав минь намайг харааж загнан зодож гарлаа. Тэгтэл эжий, Бадмаа авгай, тэдний охин цөм ирчихсэн аавыг хориглож «Алтай дэлхий манаас авах хувьтай юмаа авч байгаагийн төлөө хүүгээ битгий зод, тэгж болдоггүй юм» гэх зэргээр гуйж гувшиж байгааг хараад би хангинатал уйлж, тэдний халуун өмгөөлөлд багтаж, аавдаа харин ч танагтай зодууллаа...
