КОРРАДО АЛЬВАРО
(1895—1956)
Орчин үеийн италийн нэрт зохиолч, Коррадо Альваро хөдөөгийн багшийн гэрт өсөн хүмүүжиж уран бүтээлдээ италийн өмнөд хэсгийг гоцлон тусгажээ. Түүний зохиолын баатрууд малчин, зарц, загасчин, дүрвэгсэд мөнгө бүхнийг захирсан ямар ч ирээдүйгүй нийгэмд зовон зүдэрч хүнд бэрх амьдран суугаа ч тэдний гоо сайхан, энэрэнгүй сэтгэл ариун сайхан хэвээр үлддэг. Нэн ялангуяа «Живж байгаа ертөнцийн дуртгал» гэдэг гурамсан зохиолдоо хорьдугаар зууны италийн амьдралыг тод дүрсэлжээ.
«Хорин жил» гэдэг романдаа ариун шударга залуу үеийнхэн хөгшрөн өмхөрсөн нийгэмтэй мөргөлдөж байгааг тусгасан байдаг.
Зохиолч өөрийн хариуцлагыг гүнээ ухамсарлан ажилгүйдэл, завхайрал, гуйранчлал, гадаадад дүрвэгсдийн амьдралыг, хөрөнгөтний улс төрийн амьдралын шинж болсон хоосон амлалт, хий цэцэрхэл, залуучуудын зарим хэсэгт нэвтэрч байгаа америк хэлбэрийн амьдралыг эрс ширүүн хурц шүүмжилсэн байдаг.
Нэрт зохиолч өөрийн амьдралын тухай бичсэн «Амьдралын дэргэд» гэдэг тэмдэглэлдээ фашистын эсрэг тэмцэж байсан ЗХУ-ыг хайрлан хүндлэх нөхөрсөг сэтгэгдлээ яруу сайхан бичсэн байна.
Дэлгэрэнгүйг Wiki-гээс
