Зохиолч: КОРРАДО АЛЬВАРО
Орчуулагч: Б. Чимиддорж
Ангилал: Италийн уран зохиол
Хэвлэлийн газар: Улсын хэвлэлийн газар
Харь хүний нутагт Зигрино бид хоёрыг ажиллаж байхад эхний жил тун хурдан өнгөрч бил ээ. Бид хоёр тус бүр хорин мянган лир хуримтлуулан эх нутагтаа эргэж ирмэгц алгын чинээ газар худалдан авах цорын ганц төлөвлөгөөтэй явсан юм. Эхэн үедээ гахайн өөхтэй талх, бяслагтай талх, улаан лоольтой талх идэж орой нь аяга шөл бэлтгэх гэж нэлээд цаг зарцуулдаг байлаа. Удаж түдэлгүй энэ ажилдаа дасахад цаг хугацаа өнгөрөхөө бүүр байлаа. «Энэ хүний нутагт чинь өөрийн мэдэлгүй хөгширлөө» гэж Зигрино маань заримдаа үглэнэ. Зигрино дөч орчим настай байсан бол уу даа. Би хорин тавтай байлаа. Нэг өдөр бидэнтэй хамт ажилладаг, өөр байшинд байрласан нутгийн маань хүн нас барлаа...
