Шархүүгийн Батмөнх нь 1962 оны 2-р сарын 28-нд Улаанбаатар хотноо төрсөн.
1970-1980 онд нийслэлийн 52-р дунд сургуульд суралцан, онц дүнтэй төгсөн 1980 онд Эрхүүгийн Улсын Их сургуульд сэтгүүлч мэргэжлээр элсэн суралцсан.
1985 онд их сургуулиа төгсөж ирээд ажлын гараагаа "Үнэн" сонинд сэтгүүлчээр ажиллаж эхэлсэн бөгөөд 1988 онд Ардын эрх сонин (одоогийн "Өдрийн сонин") байгуулагдахад сэтгүүлч, албаны дарга, хариуцлагатай нарийн бичгийн даргаар насан эцэслэх хүртлээ буюу 2006 оныг хүртэл тасралтгүй үр бүтээлтэй ажиллаж, олон сайхан нийтлэл, хөрөг, сурвалжилга бичиж туурвижээ.
Ш.Батмөнхийн хөдөлмөр, бүтээлийг төр засгаас өндрөөр үнэлж, ойн медалиуд, жуух бичиг, хэвлэл мэдээллийн тэргүүний ажилтан цол хүртээж байснаас гадна Сэтгүүлзүйн тэргүүн дээд шагнал "Ган үзэгтэн" цол тэмдэг, Ардчиллын одон, 2006 онд "Алтан гадас" одонгоор шагнажээ.
Ш. Батмөнх 2006 оны 11-р сарын 27-нд өвчний таалал төгсжээ.
