ЦАХИМ НОМ

Ц. Хасбаатар

Цэвэгжавын Хасбаатар
(1930-2002)

Утга зохиолын судлагч, шүүмжлэгч Ц. Хасбаатар 1930 онд Улаанбаатар хотод төржээ.

1938—1948 онд бага дунд сургууль, 1953 онд ЗХУ-ын Москва хотод Ломоносовын нэрэмжит их сургууль төгсгөж сэтгүүлчийн мэргэжилтэй болжээ. 

1968 онд ЗХУКН-ын дэргэдэх нийгмийн ухааны академид аспирантаар суралцаж Хэл бичгийн ухааны дэд эрдэмтний зэрэг хамгаалсан.

1953-1960 онд улсын хэвлэлийн газар редактор, ерөнхий редактор, 1960-1965 онд “Энх тайван социализмын асуудал” сэтгүүлийн ерөнхий редактор, 1968-1971 онд “Үнэн” сонинд хэлтсийн эрхлэгч, Төв хороонд үзэл суртлын зөвлөх, 1979-1989 онд нийгмийн ухааны академид редактораар ажиллаж байв.

Ц. Хасбаатар дунд сургуульд суралцаж байхдаа 1947 онд анхныхаа зохиолыг "Пионерын үнэн" сонинд хэвлүүлсэн боловч утга зохиолын судлал, шүүмжлэлийн ажлыг сонирхон оролдож 1954 оноос хойш нэлээд зүйл бичсэн нь төвийн сонин сэтгүүлүүдэд нийтлэгджээ. 1971 онд 1970 оны Шүүмжлэлийн өгүүллүүдээрээ МЗЭ-ийн шагнал, 1994 онд Соёлын гавьяат зүтгэлтэн цол авчээ.

Түүнчлэн Ц. Хасбаатар уран зохиолын орчуулгыг сонирхож зөвлөлтийн ба бусад гадаад орны зохиолчдын олон зохиолыг уншигч нартаа танилцуулжээ.

НОМУУД:

Уран зохиол, орчин үе. 1967. 94 т

Уран зохиолын тухай бодол. 1973.60 т

Уран зохиолын учир. 1976. 88 т

Ардын эрхт төр минь. 1976.

Реализмын тухай. 1976. 96 т

Уран зохиолын онолын үүд. 1980.416 (С. Дуламтай хамтарч)

Судлал шүүмжлэл. 1980. 176 т

Социалист реализм монголын утга зохиолд. 1987

 

 

Зохиолч (орчуулагч)-ийн номууд

Өнөөдөр: 8137
Сүүлийн 7 хоног: 57307
Сүүлийн 1 сар: 256168
Нийт хандалт: 9595653