Боржигон овогт Чойнидийн Хүлэг
ЧОЙНИДИЙН ХҮЛЭГ 1947 онд Өмнөговь аймгийн Баяндалай суманд төрсөн.
1966—1971 онд Хөдөө аж ахуйн дээд сургуульд суралцаж, мал зүйч мэргэжил эзэмшсэн. 1971—1974 онд Өмнөговь аймгийн Хөдөө аж ахуйн Техник мэргэжлийн сургуульд багш, ахлах мастераар ажилласан.
1974—1983 онд Шинжлэх ухаан, техникийн мэдээллийн төвд эрдэм шинжилгээний ажилтан, ЛМФондын эрхлэгчээр, 1983—1998 онд Хөдөө аж ахуйн их сургуулийн Мал үржүүлэг, генетикийн тэнхимд багш, генетикийн лабораторийн эрхлэгчээр ажиллажээ.
Мал аж ахуй, газар тариалангийн салбарын шинэ бүтээл, оновчтой санал, тэргүүн туршлагын талаар гадаадын олон орны мэдээллийг орчуулж, товхимол байдлаар 18 аймгийн хэрэглэгчдэд хүргэсэн байна.
Их орчуулагч Батмөнхийн Энэбишийн “Бан нутгийн Март” номд Ч. Хүлэгийн орчуулсан "Хөөгдөөгүй", "Би хэдийг төлөх вэ?", "Азрм ууланд зугаалсан нь", "Хачиртай талх", "Талийгаачийн наманчлал" зэрэг өгүүллэгүүд оржээ.
