Хамсум нас 20, нүүр махлаг, царай бор, хурган дотортой хуучин ягаан чисчүү дээлтэй эрдэмгүй, самуун хэрэгт дуртай, ааш тогтворгүй, нүд гажуу, сэтгэл муу, эцэг Улам урьд автономит засгийн үед хошууны захирагч тушаалыг хүлээж ард олныг ихээхэн дарлаж байсан учир 19 онд хөрөнгөө хураагдсан нэгэн хорсол өвөртөлсөн феодал ажээ. Захирагч агсан Уламын биед тогтсон хуучим эмгэг зүрхний хий нь хорсон занахын гашуунд үгдрэн 22 оны хаврын тэргүүн сард бие баржээ.
Улам, харин үхэхийнхээ өмнө хүү Хамсумд гэрээсэлсэн нь:...
