Уг нь түүний нэр нь Алёша биш, Константин Валиков гэдэг боловч түүнийг тосгоноороо Заргүй Алёша гэнэ. Энэ хүн бол манай үед ховорхон тохиолдох хариуцлагагүй, захиргаагүй хүн учраас тийм нэрийг авчээ. Гэвч хариуцлагагүйдээ бүр цадигаа алдсан нэгэн хараахан бус юм. Долоо хоногийн таван өдөр нь үг дуугүй ажил хийхээр үл барам (зунд нь хамтралын үнээ хариулдаг, өвөлд нь фермийн галч хийдэг, тэр ч байтугай шөнийн цагаар жижүүр хийж төл хүлээн авдаг) нэлээн хичээнгүй, чадамгай ажилчин хүн. Гэтэл хагас сайн өдөр л болбол өнгөрөх нь тэр. Юу гэвэл...
