Зохиолч: Азиз Несин
Орчуулагч: Т. Содномдаржаа
Ангилал: Шог хошин турк уран зохиол
Хэвлэлийн газар: Улсын хэвлэлийн газар
Эдгээр хүмүүс уулзалдахдаа маш эелдэг боловсон бөгөөд бие биеэ нүд далд муучилдаггүй ажээ. Харин нэг нэгэндээ их атаархуу учир эрэгтэй ч бай, эмэгтэй ч бай тэдний хооронд,
— Хүүш ямар дэгжин сумк вэ! Хаанахын юм бэ?
— Парисын юм.
— Таны гутал ямар сайхан гутал вэ, хаанахын юм бэ?
— Лондоны юм гэх зэрэг иймэрхүү яриа үүснэ. Хоёр залуу уулзахад аанай л асуудал үүснэ.
— Хүүш өвгөөн чиний энэ нь ямар хачин гойд зангиа вэ? Хаанахын юм бэ?
— Карачийн юм. Чиний цамц мөн сайхан цамц аа, хаанахын юм бэ?
— Нью-Йоркийн юм. Энэ хоолойны чинь товчийг анх удаа үзэж байна. Яасан гоё эд вэ.
— Ромын юм аа, гэх мэтийн яриа дээд язгууртан улсын нууц нэр нь ажээ. Чухамхүү үүнээс л дээдсийн хүрээлэнд аливаа нэгэн хүний багтах эсэхийг мэдэж болдог байна...
