Зохиолч: Жорж Санд
Орчуулагч: Харгана Г. Амар
Ангилал: Францын уран зохиол
Хэвлэлийн газар: Улсын хэвлэлийн газар
Жорж Санд (Жинхэнэ нэр овог нь Аврора Дюдеван) бол 1804— 1876 онд байсан Францын эмэгтэй зохиолч бөгөөд олон сайхан роман бичсэнээс 1832 онд хэвлэгдсэн «Индиана хүүхэн» 1833 онд хэвлэгдсэн «Лелия» зэрэг хөрөнгөт нийгмийн гэр бүлийн хуурмаг байдлыг харуулсан роман, мөн 1840 онд хэвлэгдсэн «Тэнэмэл туслагч», 1842 онд нийтлэгдсэн «Орас», 1842—1843 онд гарсан «Консуэло» зэрэг романтик эрмэлзэнгүй үзэлтэй зохиол нь дэлхийн олон оронд ихэд алдаршжээ.
Толилуулан буй «Индиана хүүхэн» гэдэг романд 1827-гоос 1831 оныг дуусталх үеийн Францын нийгэмлэгийн элдэв хувирлыг гадна дотно талаас нь түүхэн үнэнтэй холбож яруу сайхнаар бичихдээ, хүний дотоод сэтгэхүйн нарийн учрыг тод томруун гаргаж, хөрөнгөт нийгэмд ариун шударга хүн хэчнээн зовлон эдэлдгийг илчлэн үзүүлдэг юм.
