Агафья самганыд хүү Константин нь амралтаараа эхийгээ эргэх гээд эхнэр, хүүхдээ дагуулан иржээ.
Новая тосгон авсаархан юм болохоор таксигаар ирсэн Константины тухай бүх тосгоноороо мэдээдхэв. Агафья самганы дунд хүү, дэд эрдэмтэн цолтой Константин гэр бүлтэйгээ ирлээ, гэж!
Орой гэхэд нэлээд нарийн зүйлс тодорлоо. Константин өөрөө дэд эрдэмтнээс гадна эхнэр нь ч бас дэд эрдэмтэн, охин нь сургуулийн сурагч, тэд Агафья самганд цахилгаан самовар, цэцэгтэй халаад, модон халбага авчирч өгсөн гэнээ.
Үдэш Глеб Капустины үүдэн дээр харчуул цуглаад гэрийн эзнийг хүлээцгээлээ. Харчуул яагаад энд цугласан, юу хүлээгээд байгааг тодотгохын тулд Глеб Капустины тухай хэдэн үг хэлэлгүй горьгүй...
