Зохиолч: Шервүд Андерсон
Орчуулагч: Булагад Ц. Сумъяа
Ангилал: Америк уран зохиол
Хэвлэлийн газар: Улсын хэвлэлийн газар
Энэ өвлийн шөнө цас дарсан эзгүй гудамжаар сэтгэл үймрэн ийнхүү алхаж явлаа. Вайнсбург хотынхон түүнийг анзаардаггүй боловч тун ч хөгтэй аж төрсөн хүүхэн билээ. Ангидаа ч тэр, гудамжинд зугаалж явахдаа ч тэр түүний дотор цаг ямагт уйтгар гуниг, горьдлого, хүсэл эрмэлзэл мөргөлдөн явдаг байв. Царай байдлыг ажваас хүйтэн боловч сэтгэл санааных нь гүнд тун гойд үйл явдал өрнөж байжээ. Хотынхон тэр багшийг хэл ам хурцтай, өөрийн толгой даасан байдалтай амьдралд нь садаа тотгор сайн мууг учруулсан хуншгүй бодолтойд нь шийдсэн гонь эм гэж боддог ажээ. Үнэндээ ч Кейт Свифт хотынхныхоо дундаас цухалдуу байж ядсан хүн бөгөөд Вайнсбургт ирж багшлах болсноосоо хойш бухимдсан сэтгэлээ дарахаар энэ таван жилд нэг биш удаа шөнийн харанхуйд гарч харайлгасан билээ...
