ЦАХИМ НОМ

Булагад Ц. Сумъяа

 Булагад Цэнднямын Сумъяа

Булагад овгийн Ц. Сумъяа 1940 онд Хэнтий аймгийн Гурванбаян сумын нутагт Номт уулын Тэрэгт гэдэг газар төржээ. 

Хэнтий аймгийн Биндэр сумын 7 жилийн дунд сургууль, Өндөрхааны 10 жилийн дунд сургууль төгсөж, улмаар 1964 онд МУИС-ийн хэл бичгийн факультетыг дүүргэсэн байна. 

1964-1965 онуудад Гадаад Явдлын Яаманд референтээр, 1965 оноос Гадаад Худалдааны Яаманд шилжин ёслолын хэлтэст референтээр, 1981-1986 онд Азийн

Буддистуудын Энх тайвны бага хуралд хэлтсийн эрхлэгчээр, 1969-2004 онуудад МУИС-ийн одоогийн ГХСС-ийн Их Британи, Америк судлалын тэнхимд багш, тэнхимийн эрхлэгчээр ажиллаж байлаа.

Их сургуульд ажиллах хугацаандаа багшлахаас гадна 1976-1981 он хүртэл Хэлбичгийн факультетын декан, орлогч декан, 1990-2004 онд Их Британи, Америк Судлалын тэнхимийн эрхлэгчийн албыг тус тус хашиж байжээ.  1972-1973 онд Англи улсын Лийдсийн их сургуульд, 1976-1977 онд Англи улсын Колчестер хотын Эссексийн их сургуульд Олон улсын гадаад хэлний багш нарын гадаад хэлний (CELTI) курст сурч, англи хэлийг олон улсын хэмжээнд заах сертификат хүртсэн байна.

Ц. Сумъяа 1981-1986 онд олон улсын шашин, энх тайвны асуудлаар гадаад дотоодын 40 гаруй хурал, зөвлөгөөнд орчуулагч, төлөөлөгчөөр, НҮБ, төрөлжсөн зарим байгууллага болон ЮНЕСКО-гийн хурал семинарт 6 удаа холбогдох чиглэлээр илтгэл хэлэлцүүлжээ.

1993 онд дэд профессор цол хүртсэнээс гадна 2003 онд Хэлбичгийн ухааны докторын зэрэг хамгаалсан байна.  Ц. Сумъяа нь МУИС-ийн ГХСС, Отгонтэнгэр их сургууль, Хэл иргэншлийн дээд сургуулийн эрдмийн зөвлөлийн гишүүн, Хэл иргэншлийн дээд сургуулийн хүндэт профессор цолтой байлаа.

Эх сурвалж : Монгол улсын их сургуулийн Гадаад хэл соёлын сургууль эмхэтгэн гаргасан "Манай эрдэмтэд" (УБ., 2010 он) номоос

Зохиолч (орчуулагч)-ийн номууд

Өнөөдөр: 3917
Сүүлийн 7 хоног: 36807
Сүүлийн 1 сар: 265558
Нийт хандалт: 10226432