Зохиолч: Димитр Димов
Орчуулагч: Ш. Доржготов
Ангилал: Гадаадын уран зохиол
Хэвлэлийн газар: Улсын хэвлэлийн газар
— Намайг та дандаа буруугаар ойлгох юм хуна даа.
— Үгүй, таныг би цаг ямагт зөвөөр ойлгодог. Тиймдээ ч одоо ингэж танд талтай сайн байгаа байж мэднэ шүү.
Ирина инээмсэглэв. Харин тэгэхдээ фон Гайерт энэ инээмсэглэл нь талтай сайнаа хат, нэг л хүйтэн, өр зүрхийг нь хутгаар зүсээд авах шиг болжээ. Сэтгэл санаа нь хоосорч гүйцсэн бололтой. Цэрэг байсан өөрийг нь худалдаачин болгосон тэр далдын хар хүч Иринаг харин санаж бодох юу ч үгүй санаа амар шаар болгож хувиргасан юм шиг санагдав. Улмаар мань эр хэзээ ч цэрэг байгаагүй, ердөө л Германы толгойг мэддэг том үйлдвэрүүдийн хөлсний зарц болж явснаа сая ухаарлаа. Рихтгофений эскадрилийн нисгэгчид гэсэн дээ, цөм ялгаагүй. Нөмрөн айсуй аюулын өмнө юм юмыг эргэцүүлэн бодоод байхад урьдын бүх төөрөгдлийн учир мэдэгддэг болсон хэрэг. Фон Гайер энэ мөчид харин хамаг сэтгэл санаа нь өөрийнх шиг нь үймэрч, хоосорч гүйцээд байгаа хажуу дахь хүүхнийхээ тухай бодол болж явав. Балардгийн даваан дээр ирээд байгаа энэ мөчид ч бахь байдгаараа ухаан жолоогүй дурласаар хүссээр яваа хүүхэн нь бил ээ.
