ЦАХИМ НОМ

Димитр Димов

Димитр Димов
(1909 – 1966)

Болгар улсын нэрт зохиолч Димитр Димов 1909 оны зургаадугаар сарын 25-нд Ловече хотноо төржээ.

Зохиолч бага балчир ахуйгаасаа Болгарын тамхины үйлдвэрийн ажилчдын амьдрал, тэмцэлтэй танил болсон хүн юм. София хотын гимназаас мал эмнэлгийн дээд сургуульд дэвшин суралцаж төгсгөөд 1939 оноос эрдэм шинжилгээний болон багшийн ажил хийж эхэлжээ. Димитр Димов бол Болгарын хөдөө аж ахуйн дээд сургууль, мал эмнэлэг - анагаах ухааны дээд сургуулийн профессор байсан юм.

1939 онд «Бага дарга Бенц» гэдэг роман Болгарын утга зохиолын санд нэмэгдэн Димитр Димов гэдэг нэр дуулдах болсон бөгөөд зохиолч «Гэмшсэн сэтгэл» гэдэг хоёр дахь романаа туурвиж, хамгийн авьяаслаг яруу зохиолч, сэтгэхүйн зүйч, үйл явдлыг эрэмбэ сайтай туурвигч болохоо харуулсан юм. Болгарын орчин үеийн утга зохиолын түүхчилсэн шилдэг бүтээлийн нэг, орчин үеийн болгарын яруу сайхан романы оргилуудын тоонд ордог «Тамхи» романд нь зохиолчид уран бүтээлийн жинхэнэ алдар суу авчирсан билээ. 

Димитр Димов амьдралынхаа сүүлийн жилүүдэд жүжгийн том зохиолч болж ирсэн юм. «Хуучны хүүхэн», «Буруутай этгээд», «Арко-Ирист амарсан нь» гэдэг жүжгүүд нь болгарын театрын урлагийн шинэ сэдэв, шинэ шинж чанартай болгон баяжуулжээ.

Дэлгэрэнгүйг эндээс

Зохиолч (орчуулагч)-ийн номууд

Өнөөдөр: 7282
Сүүлийн 7 хоног: 56452
Сүүлийн 1 сар: 255313
Нийт хандалт: 9594798