Зохиолч: Шарль Де Костер
Орчуулагч: Д. Батсүх Г. Бидэрьяа
Ангилал: Гадаадын уран зохиол Үлгэр, домог Түүх Шог хошин
Хэвлэлийн газар: Улсын хэвлэлийн газар
Уулиншпигель үүнийг хараад илжигнээсээ бууж, нэг тэвэр зараа уул огтлон авч мордон илжигний хоншоорын нь өмнө сондууг харуулахад илжиг тэр өвсийг даган тэмүүлжээ. Ийнхүү газрын эзэн гүн Гессений нутаг хүртэл явав.
— Ээ, бор минь миний тэвэр өвсний хойноос, түүнийг авч идэлгүй арвин ургацтай, сайхан замыг ардаа орхиж давхиж байна чи. Хүн ч гэсэн үүн шиг л юм аа. Зарим нь хамрынхаа дэргэдээс хувь заяа нь аваад өнгөрчихдөг алдар нэр хүндийн хойноос хөөцөлддөг, зарим нь өсч байгаа ашиг хонжооны хойноос, зарим нь янаг амрагийн цэцэгний хойноос хөөцөлдөнө. Эд замын эцэст чам шиг дэмий хоосон юмны төлөө хөөцөлдөж ардаа хамаг чухал эрүүл мэндээ, хөдөлмөрөө, гэрийнхээ тохилог, тайван байдлыг орхисноо сая мэдэж авдаг гэж Уулиншпигель хэлэв...
