Зохиолч: Морио Кита
Орчуулагч: Д. Оргодол
Ангилал: японы уран зохиол
Хэвлэлийн газар: Улсын хэвлэлийн газар
Энэ эрийг гэр орныхон нь төдий л ойшоож үздэггүй юм санж. Эдүгээ хүртэл гон бие гозон толгой яваагаас гадна, эрхэлсэн ямарваа ажил төрөлгүй агаад, төрсөн ахынхаа гэрийн зайд толгой хавчуулан амь зуудаг ажгуу. Эл авга ахтайгаа наадах дуртай байдаг төрсөн ахынх нь гурван жаал хүртэл нэлээд тоомсоргүй харьцана. Гэтэл энэ үеэр мань эр нэр төрөө басамжлуулахгүй явах нэгэн санаа сэдэж олсон нь юу хэмээвээс, идэшний мэлхий өсгөн үржүүлж их хөлийн наймаа өрнүүлье гэж санаархсан юм санж. Халаасандаа сохор зоосгүй, насанд хүрсэн эр, ахынхаа хэдэн хүүхдийг дагуулан Тиба нутгийн намагт тоо томшгүй бужигнаж байдаг шанаган хорхойноос шүүрдэн барьж, устай торхонд хийгээд, тэднийгээ хэрхэн өсөж үржиж буйг ажиглан туршилт хийдэг болов...
