"Миний бичиж байгаа хөгжим надад эргээд ингэж их нөлөөллөө гэж үү!" Тэртээ алсаас уйтгартай, бүр аймшигтай эгшиг ая уянгална. Үл ойлгогдох айдас түүнийг эзэмдэж, бие нь суларч, нүдний нь өмнөх алаг эрээн хот, тэнгэр баганадсан орд харшууд бүдгэрч эхлэв. Тэрээр тэмтчин явсаар буйдан дээрээ очоод унаад өгөв.
“Энэ миний амьдралын эцсийн мөч үү? Ингээд гэртээ гав ганцаараа байхдаа... Түүний хууч өвчин нь дахиж байх шиг санагджээ. "Тийм ээ, би үе үе ингэдэг байсан. Чухам юунаас болж ингэдгийг минь ямар ч эмч тогтоож чадаагүй...
