ЦАХИМ НОМ

З. Эрдэнэбат

 Зоригийн Эрдэнэбат

1959 онд Өвөрхангай аймгийн Хар-Хоринд төрсөн. 

Ахмад сэтгүүлч, нийтлэлч, зохиолч, орчуулагч, блоггер.

Oюун санааны эрх чөлөө, улс төрийн жинхэнэ ардчилал, нийгмийн шударга ёсны төлөө идэвхтэй тэмцэгч.

Тэрээр 17 наснаасаа ажиллаж бас бичиж эхэлсэн бөгөөд бульдозерын машинист, цэвэрлэгч, цэрэг, офицер, релейны станцын жижүүр, Номын худалдаанд ачигч, нярав, Ардчилсан хөдөлгөөний идэвхтэн, МоАX-ны ЕЗЗ-н гишүүн,  "Ардчилал" сонинд сурвалжлагч, "Үндэсний Дэвшил" сонины эрхлэгч, Уран бүтээлийн "Эрэл" нэгдлийн эрхлэгч, "Уран зөгнөл - Адал" явдал сэтгүүлийн ерөнхий редакторын ажлуудыг тус тус хийж явав.

Information Technology буюу Мэдээллийн технологи-оор Англи-д мэргэжил эзэмшин  ажиллаж байв. 1994 онд Герман руу гарч, тэндээ өнөөг хүртэл амьдарч, бичиж байна. 

1989 оны 12 сараас Монголын Ардчилсан хөдөлгөөнд оролцож, Монголын Ардчилсан Холбооны Ерөнхий Зохицуулах Зөвлөлийн (MoAX-ны ЕЗЗ) гишүүнээр 1990 оны 5 сар хүртэл ардчилал, хүний эрх, эрх чөлөө болон чөлөөт хэвлэлийн төлөө зүтгэж, тэмцэхдээ, "Ардчилал" сонинд ажиллаж, хөдөө орон нутагт томилолтоор явж, захидал харилцааг хариуцаж, ардчилсан хөдөлгөөн, өөрчлөлт шинэчлэлийн талаар олон нийтэд ухуулга, таниулга хийж байв.

1990 оны 3 сарын 7—9-нд болсон, Нэг Намын дарангуйлал, захиргаадалт, "даргын дэглэм"-ийг эсэргүүцэж Улс төрийн өлсгөлөнд оролцсон анхны 10 хүний нэг. Үр дүнд нь МАХН-ын Улс Төрийн Товчоо бүрэн бүрэлдэхүүнээрээ огцроход хүрсэн...

Нийгмийн шинэ хөдөлгөөний талаар МоАХ-ны зарим нөхдийн барьж байсан бодлого, хандлага, зорилготой зөрчилдсөн тул МоАX-ны ЕЗЗ-г 1990 оны 5 сард орхиcoн...

1990 оны 6 сараас Монголын Үндэсний Дэвшлийн Намын, "Үндэсний Дэвшил" сонины эрхлэгчийн үүрэг гүйцэтгэж байгаад, 1992 оноос М. Баттөгс, зураач анд Б. Очирхуяг нарын хамт Уран бүтээлийн “Эрэл” нэгдэл болон “Зөгнөл” xэвлэлийн газрыг байгуулж, гадаадын олон тооны видео кино орчуулан хот, хөдөөгийн кино театруудад гаргаx, тухайн үеийн Монголд урьд өмнө уншигчдын хүртээл болж байгаагүй уран зөгнөл, адал явдлын ном, зохиол, тууж , өгүүллэгүүд болон шинжлэх ухаан-танин мэдэхүйн нийтлэлүүдийг орос хэлнээс орчуулж, мөн өөрөө бичиж "Уран Зөгнөл - Адал Явдал" сэтгүүлдээ хэвлэн нийтэлж байв.

1993 онд Францийн зохиолч-гүн ухаантан Жан Пол Сартрын “Nausea” зохиолын сэдвээр Ардын жүжигчин Д. Цэрэндагва, жүжигчин Карма, сэтгүүлч, судлаач Д. Алтангэрэл, зураач, яруу найрагч Б. Сэргэлэн болон MNB-TV-н хэсэг уран бүтээлчдийн хамт “Ихэмсэг Оршихуй” богино хэмжээний кино бүтээж, Улаанбаатар, Дархан, Эрдэнэт хотууд болон хөдөө орон нутгуудын театруудад тавьж үзүүлж явав.

1995 оноос Монголчуудын Унаган шүтлэг бишрэл - Бөө мөргөл, Мөнх Тэнгэрийн шашин, Тэнгэр үзлийн талаар улс суурьтай судалгаа хийж эхэлсэн бөгөөд Өвөр-Монгол судлаач Гэрэлбаатарын нэгэн адилаар “Мөнх Тэнгэр Үзэл” гэж Оюун санааны монгол философи байх учиртай юм байна гэдэг дүгнэлтэд хүрсэн. 

Гэрэлбаатар Тэнгэр үзлийг шашин байсан талаас нь баталж үзүүлсэн бол З. Эрдэнэбат философи байсан бөгөөд Өнөөгийн Монгол Төр хийгээд Түмний үзэл санааны тулганы чулуу - түгээмэл үзэл санаа нь байх ёстой юм байна гэж үзэж ирэв.

1997 онд Мөнх Тэнгэр үзлийн талаар Монголд хэвлүүлсэн анхны ном нь “Мөнх Тэнгэрийн Хүчин дор” нэртэй байв.

Энэ сэдвээрх түүний хоёр дахь ном “Мөнх Тэнгэрийн Хүчин дор Амьдармуй”-н цахим хувилбар: Apple Book, Barnes & Noble, Bol.de, eBooks by Rakuten Kobo;

Монгол хэлээр: M+ Mongolia болон ESAN - Үндэсний цахим сан-гаар уншигчдын гар дээр 2021 оны 5 сарын 28-наас эхлэн хүрлээ.

“Мөнх Тэнгэрийн Хүчин дор Амьдармуй” номыг;

 Монгол Хэлээр:

https://www.esan.mn/contents/30584

https://www.mplus.mn/munh-tengeriin-huchin-dor

Aнгли хэлээр:

https://books2read.com/u/3yeNPJ

Англи болон Монгол дээр:

https://books.apple.com/gb/book/under-the-power-of-eternal-tengri/id1569406793  холбоосоор татаж авч эсвэл online уншиж болно.

 

Зохиолч (орчуулагч)-ийн номууд

Өнөөдөр: 2027
Сүүлийн 7 хоног: 50959
Сүүлийн 1 сар: 278818
Нийт хандалт: 10036833