Зохиолч: Брээм Чанд
Орчуулагч: Ж. Гэндэндарам
Ангилал: Энэтхэг зохиол
Хэвлэлийн газар: УЛСЫН ХЭВЛЭЛИЙН ХЭРЭГ ЭРХЛЭХ ХОРОО
Харин тэгвэл, охиноо эрд гаргах нь зайлж гаршгүй алба байдаг. Түүнээс зугтаад гарах газаргүй. Эрд гарах нь оройтвол энэ яваа, эцэс хойдод бузар гэнэ. Ийм аюулд учраад түүнийгээ нууж хааж чадвал ч бас нэг учир гэх сэн. Гэвч тэгж дарж нуух арга зам хаа үл олдоно. Охин үрээ нууж дарсан хов живд орвол учирсан аав, ээж болон ойртсон ах дүү саданд нь хорвоод нүүр хийх газаргүй болж дайрал доромжлолыг даахгүй гэх аргагүй, дарлал зовлонг ч амсахгүй гэх учиргүй.
Хэчнээн олон сайхан эх эцэг энэхүү хэцүү зовлонгийн дөлд хуйхлагдан амьдралаа дуусгаж, охин нь даяанчийн мөр хөөн золбиширдгийг тоочихын хэрэг юун. Зарим нь бүр хөгшин ч бай, зөнөг ч бай, хөлгүй ч бай, гаргүй ч бай, наашаа л харсан нэг юмтай охиноо холбож өгөөд талийлгадгийг нь яана. Арга байж үү дээ, тэдэнд тэгж сайн мууг сонгон суух тийм цаг завшаан хаа байна. Үүгээр ч барахгүй үүнээс ч хачин зовлонтой юм тохиолдоно...
