Зохиолч: Л. Н. Толстой
Орчуулагч: Ш. Доржготов
Ангилал: Оросын уран зохиол
Хэвлэлийн газар: Улсын хэвлэлийн газар
«Яагаад? Яалаа гэж энэ бэ? Юзё минь, эцэг өвгөд шигээ л анх төрсөн газраа, польш хүн шигээ амьдарч ,би чамдаа дурлаж хайрлаж, үр хүүхдүүдээ энхрийлэн өсгөж торниулан хүмүүжүүлэх гэснээс өөр зүйлийг хэнээс ч бид хүсээгүй шүү дээ» гэж бодон «Гэтэл яагаад Юзёг минь цөлж зовоогоод, энэ хорвоод хамгийн хайртай үнэтэйг минь яагаад надаас булаан ав аа вэ? Яалаа гэж энэ вэ?» гэдэг асуултыг тэнгэр бурхан, хүн олонд тавих боловч ингээд хариу авчихна гэх боломж бодож олдоггүй билээ. Үүндээ хариу авахгүй бол амьдрал байж болохгүй байв. Иймээс ч түүний амьдрал зогсжээ. Урьд өмнө эмэгтэй хүнд амтагдах гуа сайхан бүхнээр тордон чимж байсан цөллөгийн хөөрхийлөм амьдрал одоо ганц Альбинад ч биш харин түүнийхээ төлөө санааширч яахин туслахаа мэдэхгүй Мигурскийд ч бас тэсвэрлэшгүй бэрх боллоо...
