Зохиолч: П. П. Бажов
Орчуулагч: У. Дамдинсүрэн
Ангилал: Оросын уран зохиол
Хэвлэлийн газар: Улсын хэвлэлийн газар
Урьдын Камышлов, Шадрин болон Ирбитын тойргийн хагас нутгийг оролцуулсан Уралын чанадах нутагт «усанд шумбагч» гэдэг үгийг санваартан нарт хамааруулж хэрэглэсэн нэгэн явдал гарсан билээ. Би 1918 онд дайнд явж байхдаа энэ үгийг ер бусын байдлаар хэрэглэсэн түүхийн үнэн үндэстэй яриа сонссон юм. Сайн дураар цэрэгт ирсэн нэг өвгөн үүнийг ярьж билээ. Тэр өвгөн Камышловын тойргийн Камены заводын ойролцоо байдаг Байнова тосгоны хүн байсныг би санаж байна.
Энэ үлгэр, өвгөний санаанаасаа зохиосон «зохиомол домог» байгаа юу, эсвэл тийм өргөн дэлгэрсэн үлгэр байсан эсэхийг би нягталж чадаагүй. Гэсэн ч «1842 оны төмсний үймээн» гэж Уралын түүхэнд нэрд гарсан тариачны хөдөлгөөний мөн чанарыг үнэн тодорхойлсон сонин үлгэр мэт санагдсан юм...
