ЦАХИМ НОМ

П. П. Бажов

Павел Петрович Бажов (1879 – 1950) 

Уралын уулын үйлдвэрийн уран дархны гэрт, ирээдүйд их зохиолч болох хувьтай Павел Петрович Бажов төржээ. Павел Петровичийн эцэг нь ч, өвөг эцэг нь ч, элэнц эцэг нь ч цөмөөрөө Сысертийн зэс хайлах үйлдвэрт үе дамжин ажилласаар ирсэн байжээ. Ийнхүү Павел Петрович Бажов бага насаа уулын үйлдвэрийн ажилчдын дунд өнгөрүүлж, настан буурлуудын яриа хөөрөөнөөс Уралын уулын ажилчдын зан заншил, ёс суртахуун, нөр их хөдөлмөр, нарийн ухаан, авьяас билгийн тухай ихийг мэдэж, уулынхны үлгэр домгийг бахдан сонссон нь «Ногоолин хайрцаг» хэмээх алдарт зохиолыг бүтээхэд хүргэжээ.

«Ногоолин хайрцаг» бол Павел Петрович 1936 онд эхлээд 1950 оны шувтарга хүртэл буюу насныхаа эцсийг хүртэл туурвисан зохиол нь юм. Ард түмний бүтээлч хүчин шахагдашгүйг, орос хүмүүсийн ямар ч бэрхшээлийг даван туулдаг хатуу бат ёс суртахууныг уудлан үзүүлсэн энэ зохиол 1939 онд анх хэвлэгдээд 1950 оны сүүлч болтол шинэ шинэ үлгэр, домгоор баяжсаар ирсэн байна.

Павел Петрович Бажов чухамхүү энэ номоороо алдаршиж, Төрийн шагнал хүртэн, 1944 онд Лениний одонгоор шагнуулжээ.

Дэлгэрэнгүйг Wiki-гээс

Зохиолч (орчуулагч)-ийн номууд

Өнөөдөр: 218
Сүүлийн 7 хоног: 49388
Сүүлийн 1 сар: 248249
Нийт хандалт: 9587734