“ОТЕЛЛО” гэдэг эмгэнэлт жүжиг бол В. Шекспирийн гайхамшигт бүтээлийн нэг бөгөөд 1604 онд зохиогджээ. Энэ жүжигтээ Шекспир дахин мандалтын үеийн нийгэмлэгийн амьдрал, хүмүүсийн зан байдал, хоорондын зөрчлийг яруу харуулсан юм. Хүмүүсийн хоорондын зөрчилдөөн Отелло, Яго хоёрын хоорондын үйл явдлаар тодорчээ.
Отелло бол дахnн мандалтын үеийн хурц илрэл, жинхэнэ төлөөлөгч нь мөн. Гүн ухаантай чин итгэлтэй энэ хүн маш шударга итгэмтгий эр ажээ. Түүний амьдрал маш хүнд, бэрх боловч Отелло бэрхшээлийн өмнө бууж өгсөнгүй, харин ч улам чийрэгжин хатуужсаар, сүрхий сайн дайчин болжээ. Отелло бол моор ясны хар арьстан хүн юм. Венецид алба хааж явахдаа тэндхийн томхон ноён Брабанциогийн охинд дурлаж, түүнтэй гэрлэсэн боловч, хорон санаат Ягогийн ятгалгад ороод, Дездемоныг алхад хүрчээ...
