Зохиолч: Прежихов Воранц
Орчуулагч: Д. Гонгор
Ангилал: Гадаадын уран зохиол
Хэвлэлийн газар: Улсын хэвлэлийн газар
Хөрш хүүхдүүд маань эхгүй өнчин билээ. Ээж нь жилийн өмнө улаан цурав тэднийгээ орхиод энэ хорвоогоос хальсан юм. Гэхдээ энэ айлын золгүй явдал нь ганцхан тэр байсангүй. Хөршийн хүүхдүүд маань эх хүний энэрэл хайраар дутсан төдийгүй бас өөр нэгэн зүйлээр гачигдан зовж байсан нь аймшиг төрүүлнэ. Тэднийх үгээгүй ядуу, ихэнхдээ гол зогоох талх ч байдаггүй байлаа. Тэднийх тариан талбайдаа жаахан овьёос бас арвай төдий тарих боловч ид хэрэгтэй цагтаа хэрэглэх гэж хавар хүртэл тэр үрээ нөөцөлнө. Тэгээд өвөл нь тэднийх тариа тээрэмдэж талх барьсангүй, хадгалж байсан тэжээлийн манжин, жигнэсэн төмс төдийгөөр өл залгаж байлаа. Ийм болохоор хөршийн хүүхдүүд манай хоёрыг зааглаж байсан тариан талбайг туучин манай руу байнга ирнэ...
