Зохиолч: Б. Ахтаан
Орчуулагч: Б. Бааст
Ангилал: Гадаадын уран зохиол
Хэвлэлийн газар: Монголын зохиолчдын хороо
Эцэг эхийн хайранд, эрх дураар бүүвэйлүүлж,
Идэх уухаас өөр хийх ч ажилгүй явсан
Хар багын амьдралаа, одоо дурсан санахад
Хаврын зэрэглээ адил нүдний өмнүүр жирэлзэнэ,
Алс хойчийг бодох, сэхүүн санаагүй явсаар
Аль хэдийн өнгөрсөн, хайран бага нас минь!
Айл саахалтын багачуудтай нийлэн нэгдэж аваад
Аятай сонин юм гэж, уулын чулуу цуглуулж,
Өрх гэр болцгоож, аяга шанага өмчлөн,
Овоо тахилга тахиж, идээ будаа булаалдан,
Алс хойчийг бодох, сэхүүн санаагүй явсаар,
Аль хэдийн өнгөрөөсөн, хайран ч бага нас минь!..
