Зохиолч: Юрий Нагибин
Орчуулагч: Ж. Лхагва
Ангилал: Оросын уран зохиол
Хэвлэлийн газар: БНМАУ-ын Ардын боловсролын яамны хэвлэл
Гэнэт алив мэдэгдэх шалтгаангүйгээр зуслангийн айвуу тайвуу ертөнцийг нөмрөн ирсэн их түгшүүрийг хүүхдүүд зүрхээрээ мэдрэв. Эргэн тойрон өөрчлөгдсөн юм бараг үгүй, гагцхүү дүүжин ор хурдлан хяхтнаад чарлан зогсож саахалтын зуслан дээр ямар нэг гэрэл туяарч хүмүүсийн дуу учир битүүлэг сонстож байлаа. Хүүхдүүдийг ч дууддагаасаа эрт дуудлаа. Ямар нэг гай тохиолдож дээ гэдгийг хүүхдүүд мэдэж байлаа.
— Хүүхдүүд ээ! Одоохон гэртээ орцгоо! хэмээн Митягийн эмээ тагтан дээрээс дуудаж байна.
Улангассан бух сүргээс хулжиж гэдгийг л сандарч тэвдсэн томчуулын ярианаас анхлан ухаарч яваандаа бүх нарийн ширийн юмыг нь мэдэж авлаа...
