Зохиолч: И. А. ГОНЧАРОВ
Орчуулагч: Ш. Очирбат
Ангилал: Оросын уран зохиол
Хэвлэлийн газар: УЛСЫН ХЭВЛЭЛИЙН ХЭРЭГ ЭРХЛЭХ ХОРОО
Захарыг айлгах гэж санасан боловч, хуримын тухай ажил хэргийн талаас нь эргэцүүлээд үзэхэд сэтгэл булаам сайхан талтай ч гэсэн, бидний амьдрал руу сүрхий ноцтой алхам хийж, хэд хэдэн төрлийн чухаг үүрэг оногдуулан авна гэсэн ажил төрлийн тал бас байгааг ухаараад өөрөө Захараас ч илүү айчихлаа.
Захартай иймэрхүү юм ярилцана гэж санаагүй билээ. Захарт гэрлэх болсон тухайгаа албархуугаар дуулгахад, Захар баярлан дуу алдаад хөлд нь сөхрөн унана, тэгээд Захарт хорин таван рубль, Анисьяд арван рубль өгнө... гээд л боддог байснаа санав.
Тэр их жаргалтай байсан цаг. Ольгагийн гар, янаг халуунаар үнссэн... зэрэг санаанд нь урган орж ирэхэд «гандаж, буурчээ!» гэж дотор нь бодогдоод хачин муухай болчхов.
— Одоо тэгээд яах вэ?..
