Зохиолч: Василь Быков
Орчуулагч: Харгана Г. Амар
Ангилал: Гадаадын уран зохиол
Хэвлэлийн газар: Улсын хэвлэлийн газар
Германчууд ер аймаар биш, аашилж загнах юм уу, занаж сүрдүүлэх юм байхгүй, энэ айлын эзэн шиг л хээгүй, төлөв төвшин байсан болоод ч тэр үү Степанида удалгүй тайвширч, өөрөө ч энэ байдлаа гайхжээ. Германчууд ялж, энэ газар нутгийг булаан авсан юм чинь одоо түүн дээрээ яах нь тэдний эрх болсон нь ойлгомжтой байв. Ер нь тэр эрхээ сайн мэддэг, түүнийгээ бүрэн ашигладаг нь бүх юман дээрээс харагдана. Гэвч чухамхүү тэд ингэж байх маань бидний зөв гэж бат итгэж байгааг нь хүмүүсийн хоорондын харилцаанд байж боломгүй зүйлийг цадиггүй үйлдэж байгаатай нь нийлүүлээд үзэхэд зэвүү хүрмээр санагдаад явчихжээ...
