Шүр мөнгөн уул харуустай
Гурван зүс шүр зээрд адуутай
Шуугиантай цагаан далай усалбартай
Цахиур цагаан хаднаас хагараад гарсан
Туулин дөнөн хонгор үрээ
Тавин алд
Тахь мөнгөн цулбуураа чирээд
Шүр мөнгөн уулынхаа орой дээр гараад
Арван тав хоногт
Алтан замбуутивийг ажиглаад байжээ.
Арван тав хоног
Ажиглаад байтал
Хайран хар улаан залуу
Ерэн голын эхэнд
Хорон хар нойроо бясалгаад байжээ.
Дөнөн хар үрээ нь
Шүр мөнгөн уулнаас
Анир биш анир гарган бууж ирээд
Хайран хар улаан залуугийн
Дөчин дөрвөн салаатай
Дөлөө хар босдогоос нь
Зууж татаад өнгөрчээ.
Хар улаан залуу...
