Зохиолч: Хатгин Ц. Дамдинсүрэн ШАНТИДЭВА
Орчуулагч: Чойжи-Одсэр
Ангилал: Монголын уран зохиол Шашин, гүн ухаан
Хэвлэлийн газар:
Энэтхэгээр “Бодичаръя Аватара” гэдэг, монголоор “Бодисадва нарын явдалд орохуй” нэрт зохиолыг Энэтхэгийн зохиолч Шантидэва, манай он тооллын долдугаар зууны үед зохиожээ. Чойжи˗Одсэр, үүнийг монгол хэлэнд 1305 онд орчуулаад 1312 онд тайлбарыг зохион хэвлэж гаргасан баймуй. Чойжи˗Одсэрийн орчуулгыг 1748 онд гүүш Билгийн далай дахин хянаж хэвлүүлсэн баймуй. Энэ сүүлийн хэвлэлээс уг номын аравдугаар бүлгийг хуулан авч энэ дээж бичигт оруулан хэвлэвэй. 1312 оны хэвлэл бүрнээр олдсонгүй, харин Дундад улсын Турфан нутгаас Германы эрдэмтэн нарын олж авсан арван хоёр хуудас бичгийг Германы Хэйниш, Америкийн Кливз нар 1950˗аад оны үед хэвлэн гаргажээ. Энэ болбоос 1312 оны хэвлэлийн эцсийн арван хоёр хуудас мөн ажгуу. Үүнийг бас сийрүүлэн бичиж Чойжи˗Одсэрийн бичсэн төгсгөлийн шүлгийн хамт энд хэвлэвэй.
Ц. Дамдинсүрэн
