1945 онд францын нэгэн тосгонд болсон энэ явдал үнэн түүхтэй билээ. Тодорхой шалтгаанаар уг тосгоны нэрийг хэлэлгүйгээр Шардей гэе. Германаас нутагтаа буцаж явсан францын хоригдлуудын суусан галт тэргэнд уг явдал маань эхэлсэн юм. Арван хүний өрөөнд арван хоёулаа чихцэлдэн ядарч явсан хэдий боловч, эх нутаг, гэр орон, эхнэр хүүхэдтэйгээ таван жилийн дараа уулзах гэж байгаагаа бодоход, баяртай явцгаалаа. Тэдний ихэнхийн сэтгэл санааг эхнэрийн тухай бодол эзэмдэнэ. Бүсгүйчүүд тэднийг үнэнчээр хүлээж байгаа болов уу? Өнгөрсөн энэ хугацаанд тэд хэнтэй учирч, цагийг хэрхэн өнгөрөөдөг байсан бол? Эргээд хамт амьдарна гэдэг боломжийн асуудал болов уу?
